Ondarearen eta paisaia kulturalaren ikerketa historikoari ematen diogu lehentasuna, behar-beharrezkoa baita horien balioztapena egiteko eta gero modu egokian babesteko. Ondarearen inbentarioak eta paisaia kulturalaren ekintza-planak egiten ditugu, eta horietan funtsezkoak dira gizarte-eragileen eta herritarren pertzepzioa eta partaidetza.

Ondare kulturala aztertzen eta zaintzen dugu eta haren narriadura leheneratzen dugu; erabilera berriak bilatu eta eraldaketak proposatzen ditugu, horien balioa eta funtsa mantenduz.

Historia interpretatzen dugu, ondare kulturala. Baliabide turistikoekin lan egiten dugu, horiek ulergai eta erakargarri egiteko. Ibilbide luzeko enpresen kultura baloratzen dugu, unitate didaktikoak eta web-edukiak egiten ditugu, eta bisita gidatu espezializatuak, tailerrak eta konferentziak gauzatzen ditugu. Erakusketa eta museoetarako baliabideak dokumentatzen eta diseinatzen ditugu. Horren guztiaren ondoren, denak modu egokian jarraitzen duela zaintzen dugu.

Azterketak, kontrol arkeologikoak eta premiazko indusketak. Ageriko egituren azterketa, eremuko indusketak, zundaketak, azterketa arkeologikoak eta azterketa estratigrafikoak.

Gure ondare dokumentala berreskuratzeko, baloratzeko eta antolatzeko lan egiten dugu. Dokumentuek gizartearen memoria kolektiboa islatzen dute eta giza jarduera modu egokian interpretatzen laguntzen dute.

Ondare-balioa duten makinak, objektuak eta dekorazio-kartelak zaintzen, berreskuratzen eta leheneratzen ditugu. Kokaleku berri bat bilatu eta bizitza berri bat ematen diegu.